أفضل طريقة للتواصل مع العميل
المراسلة المكتوبة هي واحدة من أصعب وسائل التواصل، وبتحتاج دقة وخبرة شديدة عشان تتعامل مع الناس، ولا يُساء فهمك، وتقدر توصل رسالتك صح.
أول مراسلة بينك وبين العميل أو الموزع، بيتبني عليها كتير جدًا، وبتفصح عن كتير من خبراتك وشخصيتك. لازم تتصرف فيها باحترام واحتراف.
** الكلام التالي لا يليق بتايبست محترف ولا يشجع إطلاقًا على التعامل معاك ودي بعض أنواع التواصل الخطأ:
#العصبي_النرفوز
. * سلام عليكم .. حضرتك بتوزع الشغل ده لغاية امتى؟ يعني أنا بره البيت دلوقت أيه المشكلة يعني لو استنيتني لبليل؟
* هو لازم موعد التسليم الضيق ده، متشوف موعد كويس عشان الناس تعرف تشتغل ..
** طيب بص حضرتك ....
انت هتشترينا ولا حضرتك ولا نيلة مش عاوز الشغل الله الغني .. حسبي الله ونعم الوكيل فيكم
مفيش دخان من غير نار
لو قعدت تقنعني ف رسالة خمسين سطر إنك تايبست محترف، وانت أساسًا بتكتبلي الرسالة بلغة غلط، ومليانة أخطاء إملائية، استحالة هصدقك.
اكتب رسالتك بلغة صحيحة، متستهترش في الكتابة بالهمزات، والتشكيل، وعلامات الترقيم، وتقول أصل ده مش شغل، دا شات، وهو هيفهم.
متكتبش فرانكو .. متكتبش انجليزي .
كورس تواصل.. قدِّم نفسك صح ..أنت مين، وبتكلمني ليه؟
1- أكونت، وبريد إلكتروني، ورقم تلفون:
اعمل أكونت فيس للشغل، يعني كل الناس اللي عليه يكونوا للشغل وبس، ملوش أي علاقة بحياتك الشخصية التانية، وحتى الموضوعات اللي تكون عليه تكون مفيدة، ويستحسن تكون ف نفس الاتجاه، ارحموووووووووونااااااااااا من الاكوناتات اللي مليانة جراح ومآسي وبكائيات، وعياط على فراق الأحبة، وبوستات مليانة تلقيح للهجر والعلاقات، والسهوكة، والأفلام الهندي، وصور العيال، والراجل، والمدام، والخروجات، والكافيهات، والرحلات، وأعلياد الميلاد، والصحبات، وصور العفاريت والاكسسوارات، والشنط والجزم القديمة، وفساتين، وسوق الاحد ،، .
اختار صورة بروفايل مُعبِّرة عن شغلك أفضل، أو ع الأقل تكون ذات طابع عام، مش شخصي ولا داخل ف تفاصيل حياتك الشخصية.
نفس الكلام ينطبق على الميل، ورقم تلفون بتستخدمه للشغل، ومش بتفتحه غير للشغل، وملوش علاقك برقمك الشخصي.
المستفيد الأول من فصل أكونت الفيس الشخصي عن أكونت الشغل هو حضرتك، حافظ على خصوصياتك عشان الشغل مليان خلافات، ومتضمنش ناس غير محترمة بالمرة تضايقك من خلال أهلك أو تتجاوز ف حق أصدقاءك على الصفحة، لو اختلفت معاهم على عشر قروش فا لفلوس بتاع الحساب.
2- خبراتك في المجال:
اشرح باختصار ف أول رسالة ليك .. إمكانياتك وخبراتك في الشغل، واستعدادك للعمل، استخدم لغة مباشرة، بعيد عن المبالغة، وبعيد عن تقليل نفسك وإمكانياتك.
خليك صادق في عرض شغلك وإمكانياتك، حتى لو لسه مبتدئ .. صراحتك في الشغل في أول رسالة، هتوفر عليك وعلى العميل كتير جدًا من الخلاف وقت شرح شروط الشغل أو استلامه.
3- اختم رسالتك صح:
بعد ما تخلص تقديم نفسك، وشغلك، متتكلمش كتير، ومتضغطش ع الموزع عشان يرد عليك ف وقتها، بيبقا بيشد ف شعره وبيكلم اكتر من واحد، اديله فرصة يرد على غيرك، ويرجعلك، يشرحلك الشغل، أو معيجبوش خبراتك، أو أيًا كان.
طووووووووووول بااااااااااااالك
اشكر العميل أو الموزع، سيبله وسيلة تواصل تانية في حالة لو الفيس مش مفتوح.
بلاش تتزلف الموزع، بلاش تتنك عليه، بلاش تكتر ف الحديث عشان تستلم الشغل.
رزقك مش مع الموزع، ولا العميل، ولا أي حد .. رزقك مكتوب من قبل ما تتولد، انت بس بتاخد بالأسباب، ومش من ضمن الأسباب إنك تهين نفسك في طلب الرزق.
اعرف إنك كده كده هتاخد رزقك اللي مكتوبلك، لكن انت اللي هتحدد تحصل عليه بطريقة كريمة أو طريقة مهينة. ف الحالتين هتحصل عليه إن شاء الله
طووووووووووول بااااااااااااالك
اشكر العميل أو الموزع، سيبله وسيلة تواصل تانية في حالة لو الفيس مش مفتوح.
بلاش تتزلف الموزع، بلاش تتنك عليه، بلاش تكتر ف الحديث عشان تستلم الشغل.
رزقك مش مع الموزع، ولا العميل، ولا أي حد .. رزقك مكتوب من قبل ما تتولد، انت بس بتاخد بالأسباب، ومش من ضمن الأسباب إنك تهين نفسك في طلب الرزق.
اعرف إنك كده كده هتاخد رزقك اللي مكتوبلك، لكن انت اللي هتحدد تحصل عليه بطريقة كريمة أو طريقة مهينة. ف الحالتين هتحصل عليه إن شاء الله
تعليقات
إرسال تعليق