خطوات عمل الحاشية السفلية برنامج الوورد Microsoft Word

1. افتح قوسين في وش بعض من غير مسافة. كدا ().

2. اضغط مفتاح شيفت + السهم يمين في اللوحة (مرتين) هيحدد القوسين.

3. اضغط ثلاث مفاتيح مع بعض: كنترول + شيفت + علامة =
Ctrl + Shift + = القوسين هيبقوا صغيرين ومكتوبين لأعلى (كتابة فوقية).

4. حط مؤشر الكتابة بين القوسين. وعلى حسب إصدار الأوفيس عندك اوصل لمربع إدراج الحاشية Footnote، كالتالي:

أوفيس 97 - 2003: إدراج --> مرجع --> حاشية سفليةInsert --> Reference --> Footnoote...

أوفيس 2007 وما بعده: مرجع --> حاشية سفلية (اضغط ع السهم اللي بجوار الحاشية تحت).Reference --> Footnoote

5. هتظهر الحاشية تحت مكتوب فيها رقم 1 .. وبدون أقواس. وركز هنا بقا كويس، سيب الماوس من أيدك تمامًا وبس لوحة المفاتيح هنشتغل بيها.

6. اضغط مفتاح Home وافتح قوس يمين ( ، هينزل القوس قبل الرقم ويبقا بالشكل دا (الرقم.

7. اضغط مفتاح End وبعدين اضغط مرة واحدة مفتاح Backspace هيمسح المسافة الزيادة. وأخيرًا اقفل القوس من الشمال). هيبقا شكل الرقم (1)

بدر تايبست Badr Typist